म त गजलकार भएँ

---

तिमीसित माया बस्दा म त गजलकार भएँ
मायाको कुण्डमा पस्दा म त गजलकार भएँ

कसरी हो माया पोख्ने द्वन्द चलिरा’छ मन् मा
द्वन्द्व को डोरीले कस्दा म त गजलकार भएँ

कुरुप् तिम्लाई देख्नेहरु मुर्खता हो भन्छन् यसलाई
मूर्खताको झ्याँङ्मा खस्दा म त गजलकार भएँ

तिमीलाई माया गर्छु भन्नेहरुको कमी छैन
माया भन्दै विष डस्दा म त गजलकार भएँ

तिमीलाई शृंगार्छौँ भन्दै लाम्टो बाटै रगत चुस्छन्
देशभक्तिको खरानी घस्दा म त गजलकार भएँ

Republished in April 2021

---

Signup to my newsletter for updates.